Header Ads

طريقة عمل الكبيبة الشامية بالصور

 
الكبيبة الشامية من المطبخ اللبنانى والسورى

وقت التحضير : 30 دقيقة
وقت الطهي : 1 ساعة
الوقت الكلى : 1 ساعة 30 دقيقة

عدد الاشخاص 4

الادوات المستخدمه

طاسة غويطة
وعاء زجاجي كبير
خلاط

المقادير

2 x عدد فص ثوم (مفروم)
2 x كوب زيت عباد شمس
2 x عدد بصلة (صغيرة)
1 x كيلو لحمة مفرومة
1 x معلقة صغيرة زعتر
1 x كوب برغل (ناعم نمرة 1)
1 x معلقة صغيرة ملح
1 x معلقة صغيرة فلفل اسود مطحون
1 x معلقة صغيرة بهارات لحمة
1 x معلقة صغيرة قرنفل
1 x معلقة صغيرة قرفة

مقادير تعصيج اللحمة المفرومة

2 x معلقة كبيرة سمن (أو زيت)
1 x عدد فص ثوم (مفروم)
1 x معلقة صغيرة بهارات لحمة
1 x معلقة صغيرة فلفل اسود مطحون
1 x معلقة صغيرة ملح
1 x عدد بصلة
½ x كيلو لحمة مفرومة

الخطوات

1. هنعصج نصف كيلو لحمة مفرومة للحشو
  • هنقطع البصلة مكعبات صغيرة.
  • فى حلة على نار متوسطة هنضيف معلقتين سمنة ونضيف البصل ونقلبه كويس لحد ما يتحول للون الذهبى.
  • هنضيف فص الثوم المفروم ونقلب كويس.
  • هنوطى النار ونضيف اللحمة ونفتتها كويس بمعلقة خشب.
  • هنضيف البهارات و الملح و الفلفل ونقلب كويس لحد ما اللحمة يبقى لونها بنى فاتح.
  • هنسيب اللحمة على نار هادية وهنقلبها كل شوية لحد ما تنزل ميتها وتشربها تانى.
2. هننقع البرغل فى الماء ونصفيه ونعصره كويس جدا.
3. هنقطع البصلتين قطع متوسطة.
4. فى الكبة أو الخلاط هنضيف البرغل مع النصف التانى من اللحمة المفرومة وبصلتين مقطعين وفصين ثوم مفروم ونخلطهم كويس لحد ما يبقى قوامهم ناعم.
5. فى بولة كبيرة هنضيف خليط البرغل وهنضيف عليه الملح والبهارات والقرفة والزعتر والقرنفل والفلفل ونخلطهم كويس جدا.
6. هنقسم عجين البرغل لكرات متوسطة الحجم.
7. علشان نحشى البرغل باللحمة المفرومة هنبل ايدينا بالماء وناخد كرة العجين ونفردها على شكل دايرة ونحط فى منتصف الدايرة شوية لحمة معصجة ونقفل عليها تانى ونشكلها حسب الرغبة على شكل كرة أو شكل بيضاوى.
8. بعد ما نحشى كرات البرغل هنسيبهم فى الثلاجة لمدة ساعة.
9. فى طاسة غويطة هنضيف زيت كتير ونسخنه على نار عالية, وأول ما يسخن هنضيف كرات البرغل ونوطى النار.
10. أول ما الكبيبة تتحول للون البنى الفاتح هنرفعها من الزيت ونصفيها وبالهنا والشفا.

ليست هناك تعليقات

أتستمتعين بالأكل ومساعدة الآخرين بتقديم أفكار الطبخ؟ من فضلك أضيفي افكارك و تعليقاتك

يتم التشغيل بواسطة Blogger.