ارز مدخن مع الزبيب والفليفلة الملونة

المكوّنات

3 كوب ارز بسمتي مغسول فقط

2 بصل كبير مفروم ناعم

2 فليفلة الوان اخضر واصفر مفروم وسط

8 معالق زبيب حبة كبيرة

2 معلقة زنجبيل فريش مقطع مكعبات صغيرة

1 معلقة بهارات كاري

مكعبين ماجي

0.5 عرق فلفل اخضر حراق

معلقة سمنه وشوية زيت ذرة

ولسلق الارز 5 حبات قرنفل و7 هيل و2 لومي و1 معلقة كاري و2 مكعب ماجي

10 كوب ماء مغلي لسلق الارز

فحمتين كبار للتدخين مع نقطتين زيت وقصدير

0.25 معلقة صغيرة بودرة صبغة لون مع ربع كاسة مي صغيرة تخلط مع بعض

دجاجة مقطعة وبهارات صحيحة لسلق الدجاج

الطريقة

1. نسلق الدجاج مع البهارات الصحيحة وعند النضج ندهن الدجاج بالصبغة وندخلها الفرن لتتحمر

2. لتحضير الارز : بندبل بصلتين كبار مفرومين ناعم بمعلقة سمنه وشوية زيت ذرة وبنخلي لونو ذهبي مايل للبني بنضيف عليه معلقتين كبار زنجبيل فريش مفروم مكعبات وبنحرك بعدين بنضيف نص قرن فلفل حراق واذا مابتحبو طعم الفلفل الحراق بلاها الفلفل.

3. نضيف كمية كبيرة زبيب حبة كبيرة تقريبا 7 معالق زبيب وبنحرك مع البصل والزنجبيل وبنحرك 3 دقائق وبنضيف فليفله ملونة صفرا وخضرا مفرومين قطع متوسطة مايل للصغير..وبنحط ملح ومكعبين ماجي و7 حبات هيل وورق غار وبنحرك شي 3 دقايق بعدها بنحط شوية بهارات كاري وبنحرك وبنطفي النار وبنحط هالخليط كلو بصحن لحالو....

4. بنفس الطنجرة بعد ماشلنا منها خليط البصل والزبيب والفليفله بنحط شرائح ليمون وشرايح بطاطا مملحو وعليها رشة فلفل وبنحطهم بقاع الطنجرة ... وبنرجع شي معلقتين من خليط البصل والزبيب بنحطهم فوق شرايح البصل والبطاطا.

5. بنغسل الرز بالمي البارد منيح وبنجيب طنجرة فيها مي وبنغليها وكمية المي 7 كاسات ماء وبس تغلي بنحط هيل حب وقرنفل ولومي ومكعبين ماجي وورق غار ومعلقتين صغار ملح وبنضيف الرز علي المي وبنتركو يغلي على نار عاليه لمدة 12 دقيقة بالزبط واهم شي كمية المي تكون وفيرة مشان مايعجن الرز يعني كل كاسة رز مو منقوع بدها تقريبا 3 كاسات ماء مغلي...او 4.. المهم بنصفي الرز من المي منيح بالمصفاية..

6. وبنحط جزء من الرز المصفى فوق خليط البصل والزبيب بعدين بنحط طبقة من خليط البصل والزبيب فوق الرز بعدين طبقة رز بعدين طبقة من الخليط لحتى تخلص كل الكمية..

7. وبالاخير بنعصر عصير ليمونة على الرز بتعطي طعم طيب كتير واخر شي بنرجع الطنحرة على النار وبنحطها على نار عاليه اول دقيقتين بعدين على نار هادية جدا لمدة 13 دقيقة وبعدين بنضيف الزعفران (الصبغة *) على الرز بشكل خطوط مستقيمة ومابنحرك الرز نهائيا وبنحط قصدير بنص الرز وبنحط جمرتين وعليهم كم نقطة زيت وبنسكر الطنجرة منيح وبنتركها على النار لمدة 5 دقايق وبكون صار الرز جاهز..