كونو الكنافة بالقشطة

مقرمشة من برّه وناعمة من جوّه.. طعمها خرافي ومناسبة للمناسبات والضيوف.

المقادير:

• نص كيلو كنافة شعر

• نص كوب زيت ذرة

• زيت للقلي

• شربات تقيل (2 كوب سكر + كوب ميّه + عصرة ليمون)

• قشطة بلدي أو خليط من:

(كوب كريم شانتيه مضروب + كوب كريم باستري)

• فستق مجروش أو فاكهة للتزيين

• أقماع معدنية أو بلاستيك حراري للتشكيل

طريقة التحضير:

أولا: نشكّل الكنافة

1. خدي خصلة صغيرة من الكنافة وبلليها بشوية زيت ذرة.

2. لفي الخصلة على القمع المعدني من تحت لفوق، واضغطي عليها برفق بإيدك المبلولة عشان تتماسك.

3. كمّلي باقي الكمية بنفس الطريقة.

ثانيا: القلي

4. سخّني زيت غزير على نار متوسطة.

5. نزلّي الأقماع بحذر في الزيت وقلّبيها لحد ما تاخد لون دهبي حلو.

6. طلّعيها على ورق مطبخ تتصفى، وسيبيها تبرد شوية، بعدين شيلي القمع من جوه.

ثالثا: الحشو والتقديم

7. اسقي الكونو بشوية شربات تقيل من فوق بس.

8. احشيها بالقشطة أو الخليط الكريمي اللي بتحبيه.

9. زينيها بفستق مجروش أو قطع فاكهة، وقدّميها على طول