طريقة عمل عيش الفطار بأقل المكونات

طريقة سهلة جدا لعمل خبز الفطار بأقل المكونات وكمان مفيد جدا انك تعمليه فى البيت اتمنى تجربوه الوصفه وتعجبكم

المكونات :

1 باكيت خميرة 45 جرام 

1,5 ملعقة صغيرة سكر

1 كوب حليب دافئ 

2 بيضة

50 جرام زبد بدرجه حراره الغرفه 

1 كوب جبن ابيض

بقدونس

1 ملعقة صغيرة ملح 

4,5 أكواب دقيق

للدهن:

1 صفار بيض

سمسم

طريقة التحضير :

1-نضع فى وعاء مناسب خميرة,سكر,حليب دافئ,ونقلبهم حتى التجانس,ممكن تستخدموا بدل باكت الخميره ملعقه خميره صغيره فورية.

2-بعد ذلك نغطيها بورق الأسترتش 5 دقايق ونسيبها تخمر.

3-نضيف بيض,زبد,جبن أبيض,بقدونس,ملح,ونستمر بالتقليب,ممكن تستخدموا أى نوع جبن أخر.

4-نضيف الدقيق بالتدريج ونعجن حتى الحصول ع عجين ناعم ومتماسك,القوام ممكن يختلف بحسب نوع الدقيق.

5-نضغط فوق العجين بأيدينا ونفرده على مقاس حجم الصينية.

6-نضع العجين ع ورق الزبد فى صينية الفرن مقاس 32 سم,نغطيها بقماشة نظيفة لمدة 45 دقيقة.

7-بعد ذلك نقطعها على شكل قطع البيتزا.

8-ندهنها بصفار البيض فى كل مكان.

9-نرش عليها سمسم وندخلها الفرن على درجه حرارة 170 لمده 35 دقيقة.

10-بعد ذلك يمكنك تقديمه بالهنا والشفا.