كيف الحلبية بيطبخوا اليبرق ؟ مع طريقتين لتخزين ورق العنب
يعتبر ورق العنب من الأطباق العربيّة الشعبيّة البسيطة التي تشتهر في جميع الدول العربية؛ حيث إنّه يتم تحضيره بالعديد من الطرق حسب العادات المتبعة لهذا الطبق في كلّ بلد.
المقادير
١ كيلو ورق عنب
١ كيلو رز
نصف كيلو لحم مفروم خشن
١.٥ ملعقة صغيرة ملح
ملعقة صغيرة فلفل اسود
نصف ملعقة صغيرة كمون
٤ ملاعق كبيرة زيت نباتي
١ ملعقة كبيرة سمنة
٢٥٠ غرام دهنة
٢ كيلو لحم بعظمه(حسب الرغبة)
٨ رؤوس ثوم
المرقة:
٢ لتر ماء
ملعقة صغيرة ملح
نصف ملعقة صغيرة فلفل اسود
عصير ٥ حبات ليمون
طريقة التحضير
1. لتفريز ورق العنب: (بتفرزوا كل حجم لحالو)، في وعاء على النار نضع ماء ونضيف له كأس من الملح(ملح صخري)، وملعقة سكر(مشان اللون)، ثم نضيف ورق العنب للوعاء ونقوم بالتفوير عليهم لمدة دقيقة ونصف تقريباً.
2. الطريقة الأولى: نقوم بوضع ورق العنب في مطربان مع الضغط عليهم جيداً(لحتى مانخلي مجال للهوا)، وبعدها نضيف لهم الملح ((ملح صخري، وبتثبتوهم بعود خشب لحتى مايطلع ورق العنب لفوق الماء)، (اذا كان المرطبان كبير، بتحطوا بين طبقات ورق العنب طبقة ملح))، ثم الماء(ما بنسكر عالمرطبان لحتى الملح يشرب الماء)، ومن ثم نغلق على المرطبان.
3. الطريقة الثانية: نقوم بوضع ورق العنب(طبعا لازم يكون مفور عليه قبل التفريز، وبتضيفوا ملعقة كبيرة ملح بس)، في كيس التفريز(او ورق استرتش، بتلفوه عليهم كتير منيح)، ونقوم بالتخلص من الهواء من الكيس بشكل نهائي، ثم نضعه في الفريزة (اذا بدكم تشتغلوا باليبرق فوراً، بتحطوا ملعقة كبيرة ملح مع ملعقة سكر وبتفوروا عليهم، وبعدين بتحطوهم بماء لمدة ١٠دقائق تقريباً وبتغلسوهم لحتى يروح الملح منهم).
4. لتحضير التتبيلة: في وعاء نضع الأرز، اللحم(لازم تكون اللحمة خشنة ومدهنة)، زيت نباتي، ملح، فلفل اسود، كمون(فيكم تحطوا عصفر او بهارات مشكّلة)، ثم نقوم بخلط المكونات جيداً، ومن ثم نقوم بلف ورق العنب بالحشوة.
5. لتحضير المرقة: في وعاء نضع ماء( لكل لتر ماء = ملعقة صغيرة ملح)، ملح، فلفل اسود، ثم نقوم بتحريكهم حتى ذوبان الملح والفلفل بالماء.
6. طريقة التطبيق: في وعاء نضع قطع اللحم، الثوم، ثم نقوم برصف ورق العنب(بعدين بتحطوا عليهم تتقيلة)، ثم نضيف لهم المرقة ونضع الوعاء على نار هادئة ولمدة ١٢ساعة، وبعدها نضيف للوعاء عصير الليمون ونتركهم لمدة ربع ساعة، ثم يصبح ورق العنب جاهزاً.
التعليقات