المكدوس السوري وكل أسرار نجاحه

المكدوس طعام شامي تشتهر بلاد الشام "خصوصاً سوريا" بصناعته منذ القدم، وهو الباذنجان المدور الصغير، والبعض يفضل أصناف أخرى من الباذنجان وهي "الحمصي" أو "الحموي" ويحفظ المكدوس مغمورا بزيت الزيتون لمدة طويلة.

المقادير

٥ كيلو باذنجان

٢ كيلو فليفلة حمراء حلوة

٧ قرون فليفلة حارة (حسب الرغبة)

٦٠٠ غرام جوز

٢ رأس ثوم

٥٠٠ غرام ملح صخري(حسب الحاجة)

١ لتر زيت زيتون وممكن الخلط مع زيت نباتي

 للخلط (كل لتر زيت زيتون/ ٢٠٠مل زيت نباتي)

طريقة التحضير 

1. اولاً: نقوم بفرد الباذنجان على صينية ونتركه(بمكان ظل) لمدة يومين حتى نشفانهم(ينشفوا ويدبلوا)، ثم نقوم بقص قرن الباذنجان والتخلص منه. لسلق الباذنجان: نقوم بوضع الباذنجان في وعاء ونرصفهم فيه(بعدين بتحطوا تتقيلة على وجههم)، ثم نضيف لهم الماء ونضع الوعاء على نار عالية(وعالعين الكبيرة)، ونقوم بغليهم وبعد الغليان نتركهم لمدة ٤٥دقيقة(وكلما زادت الكمية بتخلوهم أكتر)، ومن ثم نقوم بوضع الوعاء تحت الماء ونقوم بغسل الباذنجان والتخلص من القشرة. ثانياً: نقوم بحشي الباذنجان بالقليل من الملح الصخري(يعني بتملحوا الباذنجان وبتمسحوا الراس بالملح كمان)، ثم نقوم بوضعه في مصفاة ونضع بين كل طبقة باذنجان القليل من الملح الصخري حتى نفاذ الكمية، ومن ثم نقوم بوضع قطعة قماش عليهم ونضع التتقيلة(التتقيلة لازم تحطوها على تدرجات من الاخف للأتقل، وبكل مرة بتحطوا تتقيلة لازم تتخلصوا من الماء يلي بينزل من المكدوس).

2. لتحضير التتبيلة: نقوم بتقطيع الفليفلة الحارة(أو الحلوة حسب الرغبة)، وغسلها بالماء، ثم نقوم بوضعها في مصفاة، وبعدها نقوم بفرمها(بآلة الكبة وفي قطعة الفرن الخشنة)، ثم نضعهم في مصفاة ونضيف لهم ملح صخري(لحتى تنشف الفليفلة اكتر)، ومن ثم نقوم بتقطيع الجوز(الجوز يلي لونو فاتح بكون ظريف). لتحضير الحشوة: نضع في وعاء الفليفلة(الناشفة)، الجوز المقطع، ثوم(مدقوق خشن)، ثم نقوم بخلطهم جميعاً ونضعهم في الثلاجة(البراد) لمدة يوم كامل، وبعدها نقوم بحشي الباذنجان في الحشوة، ثم نقوم بوضع القليل من الزيت النباتي في اسفل المرطبان، وبعدها نقوم بوضع الباذنجان في المرطبان ورصفهم فيه(مالازم تضغطوا المكدوس كتير بالمرطبان، ومالازم تعبوا المرطبان لفوق مشان الزيت يتشرب بكل المكدوسات)، ثم نقوم بملئ المرطبان بالزيت النباتي(وكل بين فترة والتانية لازم تراقبوا اذا الزيت نقص بتزيدولهم زيت) ونغلق عليهم ونتركهم جانباً.