خلية النحل

المقادير

٣٠٠مل حليب(١.٥ كاسة) 

ملعقة كبيرة سكر 

ملعقة كبيرة خميرة 

٦٠٠غرام طحين(٥كاسات) 

٥٠ غرام نشاء ذرة(نصف كاسة) 

نصف ملعقة صغيرة ملح 

٢ بياض بيض 

٥٠ مل زيت نباتي(كاسة شاي) 

٥٠ غرام زبدة 

الحشوة: 

٣٠٠غرام قشقوان 

٢٠٠غرام مرتديلا 

أو أي حشوة بتفضلوها 

طريقة التحضير 

1. للخليط السائل: في وعاء نضع حليب(الحليب لازم يكون دافي، يعني حرارتو تقريباً٣٠)، سكر، خميرة، ثم نخلطهم جيداً حتى ذوبان السكر والخميرة في الحليب، ثم نغلق على الوعاء ونتركه جانباً حتى تفاعل الخميرة، وبعد تفاعل الخميرة، نضيف للوعاء زيت نباتي، بياض البيض(البياض بس، مابدنا الصفار نهائياً)، ثم نخلط المكونات جيداً. للخليط الجاف: في وعاء آخر نضع الطحين((آخر كاسة طحين بتحطوا نصها طحين ونصها نشاء ذرة، النشاء كتير مهم لأنه بساعد الطحين وبتطلع العجينة هشة وخفيفة)،(العيار هو ٤كاسات طحين = كاسة حليب))، ثم نضيف لهم الملح ونحركهم قليلاً.

2. لتحضير العجبن: نقوم بسكب الخليط السائل فوق الخليط الجاف ونعجن المكونات(انتوا وعم تعجنوا العجينة وشفتوها بتقبل طحين بتضيفولها طحين بشكل تدريجي)، حتى نحصل على قوام العجين(عجبنة طرية ومابتلزق)، ومن ثم نضيف للعجين الزبدة ونعجنُها بها جيداً، وبعدها نضع العجين في وعاء مدهون بالقليل من الزبدة ونقوم بغلق الوعاء(بورق الستريتش)، ثم نضعها في الفرن(أو أي مكان دافي)، ونتركها حتى ترتاح لمدة نصف ساعة تقريباً، وبعدها نقوم بقطع العجينة لكرات ونقوم بحشيها بالقشقوان والمرتديلا معاً(فيكم تحشوها حسب الرغبة)، ومن ثم نضع الكرات في صينية مدهونة بالقليل من الزبدة ونغلق على الصينية بقماش لمدة نصف ساعة(حتى تختمر العجينة مرة تانية)، ثم نقوم بتشغيل الفرن على حرارة ٢٠٠(من فوق ومن تحت بس لحتى يحمى، وبس يحمى الفرن بنطفيه من فوق)، وبعد مضي نصف ساعة على العجينة، نقوم برشها بالحليب والماء(بأي شي عندكم مثلاً بالبخاخة بتحطوا مي وحليب فيها وبتبخوا عالعجبنة، الطريقة هي بدل ماتدهنوا وجه العجبنة بالبيض)، ثم نضيف لها السمسم وحبة البركة، وندخلها الفرن لمدة نصف ساعة(لازم تراقبوها، ولازم يكون الفرن شغال من تحت ومطفي من فوق)، وبعدها نقوم بدهن العجينة بالقليل من السمنة(المذابة) أو العسل وتصبح خلية النحل جاهزة.