ميني بيتزا

المقادير:

• 3 كوب دقيق

• 2 معلقة صغيرة خميرة فورية

• 1 معلقة كبيرة سكر

• 1 معلقة صغيرة بيكنج بودر

• ربع كوب زيت

• رشة ملح

• ماء دافئ للعجن (حسب الحاجة)

للحشوة (حسب الرغبة):

• صوص بيتزا أو كاتشب

• فلفل أخضر مكعبات صغيرة

• زيتون أسود وأخضر شرايح

• طماطم مكعبات صغيرة

• ميكس جبن (موتزاريلا + رومي أو شيدر)

الطريقة:

1 في بولة كبيرة نحط السكر والخميرة ونضيف عليهم شوية ماء دافئ ونسيبهم دقيقتين.

2 نضيف الزيت والملح والبيكنج بودر ونقلب.

3 نحط الدقيق ونعجن بالمية الدافية شوية بشوية لحد ما تبقى عجينة طرية ونعمة وما تلزقش في الإيد.

4 نغطي العجينة ونسيبها تخمر ساعة في مكان دافي.

5 بعد ما تخمر، نفرد العجينة ونقطعها دواير بالقطّاعة.

6 نرصها في صينية مدهونة زيت، ونحط عليها صوص البيتزا، الجبنة، الفلفل، الزيتون والطماطم.

7 ندخلها فرن سخن على 180 درجة حوالي 10 دقايق لحد ما تستوي وتسيح الجبنة.

 تتقدم سخنة وبتبقى طعمها تحفة