كيكة عائلية خفيفة وإسفنجية
المقادير:
كاس حليب
كاس سكر
عصير حبة ليمون + قشورها
كاس إلا ربع زيت
كاس إلا ربع نشا
2 كيسان فارينة
16غ خميرة كيميائية (بيكنج باودر)
فاني (الفانيليا)
الطريقة:
1. سخني الفور (الفرن) على 180 درجة.
2. في جفنة، حطي البيض + الفاني (الفانيليا) + السكر، وضربي مليح حتى يولي الخليط كريمي ولونو فاتح.
3. زيدي الحليب، الزيت، عصير وقشر الليمون، وخلطي حتى يتجانسو.
4. أنخلي الفارينة مع النشا والخميرة الكيماوية، وزيديهوم شوية بشوية للخليط وخلطي برفق حتى يولي الخليط متجانس ومافيهش كتل.
5. فرغي الخليط في مول مدهون بالزيت ومرشوش فارينة.
6. دخليه للفور فالرف الوسطي وخليه يطيب 40–45 دقيقة، ولا حتى يطيب (جربي بالسكينة).
7. خليها تبرد شوية ومن بعد قدميها.
بالصحة والعافية 
التعليقات